La producziun da forza electrica da l’ovra atomara da Gösgen, è stada interrutta per bundant 6 uras. Tenor communicaziun è l’ovra vegnida serrada giu automaticamain mesemna suentermezdi a las trais. La raschun è stada in’armatura che na serrava betg endretg.
L’incident n’haja gì nagin effect sin l’ambient. L’ovra atomara da Gösgen saja segira e puspè en funcziun dapi la saira, quart passà las nov, hai gì num vinavant.