Ovras atomaras ston reevaluar segirezza cunter terratrembels

L’autoritad da surveglianza atomara Ensi ha fixà il privel da terratrembels per ovras atomaras en Svizra. Ils gestiunaris ston danovamain cumprovar che lur implants pon tegnair pitg ad in terratrembel fitg ferm. Las prescripziuns èn pli severas ed extendidas che pli baud.

L'ovra atomara a Leibstadt en il chantun Argovia. Bild in Lightbox öffnen.

Legenda da maletgs: Evitar segund Fukushima. Ils gestiunaris ston cumprovar la segirezza da las ovras en cas da fitg grevs terratrembels. Keystone

Tut ils gestiunaris d'ovras atomaras en Svizra ston danovamain cumprovar che lur implants tegnan pitg ad in fitg ferm terratrembel. Las novas prescripziuns èn pli severas e voluminusas che pli baud. Ins haja resguardà las pli novas enconuschientschas dal servetsch da terratrembels, scriva l'autoritad da surveglianza atomara Ensi.

Ils gestiunaris stoppian preschentar fin l'atun 2020 las cumprovas per tut ils lieus, pia era per Mühleberg che vegn prendì ord funcziun il 2019. Mühleberg restia era suenter esser deactivada in'ovra nucleara cun in potenzial da privel.

RR novitads 12:00