Siglir tar il cuntegn

Header

Umens nepalais vid il reconstruir ina chasa.
Legenda: Ils daners vegnan surtut duvrads per construir chasas e scolas. Keystone
cuntegn

Svizra Ovras d’agid svizras investeschan passa 22 milliuns en il Nepal

In onn suenter il grev terratrembel en il Nepal marschan las lavurs da reconstrucziun cun tutta forza. Las trais ovras d’agid svizras, Caritas, Helvetas e Solidar Suisse collavuran en plirs projects, uschia ch’ellas pon els impunder 22,3 milliuns francs.

La gronda part da quels daners sajan vegnids rimnads da la Chadaina da Fortuna, scrivan las organisaziuns d’agid. Ils daners vegnan surtut duvrads per construir chasas e scolas resistentas a terratrembels. Las emprimas da 34 scolas duain anc quest onn esser construidas a fin.

Daners per la furmaziun da spezialists

Las ovras d’agid inverteschan plinavant blers daners en la furmaziun dals giuvens Nepalais. Radund 3000 dunnas ed umens vegnan scolads sco spezialists per construir bajetgs resistents a terratrembels.

Tar il terratrembel da l’avrigl passà èn passa 9’000 persunas mortas, radund chasas èn crudadas ensemen. In mez milliun persunas è stà senza tetg.

RR novitads 11:00

sda/cs

Artitgels legì il pli savens

Nach links scrollen Nach rechts scrollen