Ston las ovras idraulicas vender electricitad sut ils custs da producziun survegnan ellas ina premia da maximalmain 1 rap per ura kilowatt.
En l'emprim pachet da mesiras n'eri betg previs agid finanzial per ovras idraulicas grondas existentas. Quest instrument ha il Cussegl dals chantuns integrà en la fatschenta ed uschia reagì sin ils pretschs bass dal martgà d'electricitad europeic.
Anc betg decidì è sch'ils daners ston vegnir duvrads per reparaturas u per il mentegniment da l'ovra. Il Cussegl naziunal era cuntrari al Cussegl dals chantuns da quest avis. Sch'il Cussegl naziunal dat uss anc il consentiment a las midadas fatgas dal Cussegl dals chantuns sto il Cussegl federal preschentar ina proposta per in decret fin il 2019.
RR novitads 11:00