Siglir tar il cuntegn

Header

Purtret da Gerhard Pfister a la radunanza da delegadas e delegads.
Legenda: Keystone
cuntegn

P(C)D Delegads decidan mez november davart nov num

Cun in nov num ed ina fusiun eventuala cun la PBD vul la Partida cristiandemocratica cumbatter la perdita d'electuras ed electurs. En il cas ideal vegnia decidì ils 14 da november davart omaduas chaussas. Vid il cuntegn da la politica na vul la partida dentant midar nagut.

La PCD saja en ina fasa da restructuraziun, ma sias valurs na stoppia la partida betg reponderar, quai mussia ina retschertga, ha declerà il president da al partida Gerhard Pfister a Berna. Vid ils cuntegns politics na stoppia sa midar nagut.

A la conferenza da pressa ha la partida preschentà ils resultats d'ina consultaziun che la partida ha fatg tras l'institut gfs.berna. La retschertga è vegnida fatga tar ils commembers da la partida, sco er tar la populaziun, quai durant l'avrigl ed il matg. Singuls resultats eran gia vegnids enconuschents las ultimas emnas.

«C» sco handicap

Lukas Golder, il co-manader da gfs.berna ha declerà ch'il «C» en il num da la partida saja in handicap. Tar la populaziun patescha la partida da quai ch'ella vegn associada cun cristianadad e catolicissem. Ina midada dal num porschia il pli tgunsch ina schanza per pledentar novas gruppas da la populaziun che sustegnian gia ils cuntegns politics da al partida.

Ils commembers da la partida na sajan betg uschè pertscherts da questa problematica. Radund 40% dals commembers giavischian perfin in fundament cristian, che sa mussia er en il num.

La maioritad dals commembers n'hajan nagin problem cun il num, ma quai saja stà da spetgar. Dentant saja la maioritad er da l'avis ch'il «C» en il num n'haja nagin futur. In nov num portia er nov potenzial da crescher.

RTR actualitad 17:00

Artitgels legids il pli savens

Scrollar a sanestra Scrollar a dretga