Siglir tar il cuntegn

Header

cuntegn

Pajais da risico La Svizra extenda la glista

Sco gia annunzià extenda la Svizra la glista da pajais sin la glista da risico da corona. Da nov vala tar 42 pajais ina quarantina suenter ch'ins turna enavos en Svizra.

Il venderdi ha l'Uffizi federal da sanadad anc precisà sias reglas da quarantina per persunas che returnan da las vacanzas. Tgi che returna d'in pajais en Svizra avant che la Confederaziun ha aschuntà quel a la glista da quarantina, na sto betg s'annunziar tar las autoritads. Sch'il pajais vegn dentant durant las vacanzas sin la glista federala, lura sto la persuna pertutgada ir suenter ses return en quarantina.

Glista dals pajais cun in ristg augmentà

Textbox aufklappenTextbox zuklappen
  • Argentina
  • Armenia
  • Aserbaidschan
  • Bahrain
  • Territori Palestinais Occupà (vala dapi ils 23 da fanadur)
  • Bolivia
  • Bosnia ed Erzegovina (vala dapi ils 23 da fanadur)
  • Brasilia
  • Cabo Verde
  • Chile
  • Costa Rica (vala dapi ils 23 da fanadur)
  • Republica Dominicana
  • Ecuador (vala dapi ils 23 da fanadur)
  • El Salvador (vala dapi ils 23 da fanadur)
  • Eswatini (Swasiland) (vala dapi ils 23 da fanadur)
  • Guatemala (vala dapi ils 23 da fanadur)
  • Honduras
  • Irac
  • Israel
  • Katar
  • Kasachstan (vala dapi ils 23 da fanadur)
  • Kirgistan (vala dapi ils 23 da fanadur)
  • Columbia
  • Cosovo
  • Kuwait
  • Luxemburg (vala dapi ils 23 da fanadur)
  • Maledivas (vala dapi ils 23 da fanadur)
  • Mexico (vala dapi ils 23 da fanadur)
  • Moldova
  • Montenegro (vala dapi ils 23 da fanadur)
  • Macedonia dal Nord (vala dapi ils 23 da fanadur)
  • Oman
  • Panama
  • Peru
  • Russia
  • Arabia Saudita
  • Serbia
  • Africa dal Sid
  • Suriname (vala dapi ils 23 da fanadur)
  • Inslas Turks e Caicos
  • Emirats Arabs Unids (vala dapi ils 23 da fanadur)
  • Stadis Unids da l'America (incl. Puerto Rico e US Virgin Islands)

Questa glista actualisada vala a partir dals 23 da fanadur, sco l'Uffizi da sanadad BAG ha communitgà. Betg pli tranter ils pajais da risico tutgan:

  • La Svezia
  • La Bielorussia

141 novas infecziuns

En la Svizra ed il Principadi da Liechtenstein hai dà entaifer 24 uras 141 infecziuns novas cun il coronavirus, quai ha annunzià l'Uffizi federal per sanadad BAG. Ier eran quai 108, glindesdi 43 e dumengia 99 infecziuns novas.

Il BAG ha era annunzià dus ulteriurs mortoris. Enfin oz èn cunquai mortas en Svizra ed il Principadi dal Liechtenstein 1'693 persunas ch'eran testadas positiv sin Covid-19.

RTR novitads 14:00

Artitgels legids il pli savens

Scrollar a sanestra Scrollar a dretga