A la Postfinance èsi gartegià da stabilisar ses sistems suenter la panna naziunala. Entant funcziunian tut ils servetschs cun la Postcard e Twint senza excepziun, ha communitgà oz suentermezdi la Postfinance. La clientella possia puspè pajair en las butias cun lur carta.
La raschun exacta per ils problems n'è anc betg clera. Tenor las enconuschientschas d'enfin uss excluda l'institut da finanzas ina attatga da cyber. La gievgia suentermezdi avevan cumenzà ils problems tar la Postfinance. Per in tschert temp èn divers sistems, sco ils postomats e Twint, stads or da funcziun. Gia l'entschatta zercladur avevi dà problems tecnics tar la Postfinance sco era tar Twint.
audio
Per tadlar: Las novitads da las 12:00
ord RTR Audio dals 26.08.2022.
laschar ir. Durada: 4 minutas 56 Secundas.