A la firma da pajaments svizra SIX Payment Services n'èsi era il mardi betg gartegià da schliar dal tut il disturbi che regia gia dapi il glindesdi. Pertutgadas èn surtut butias ed ustarias, ils bancomats percunter betg. Ils disturbis èn punctuals, i è pussaivel che l'emprim client po pajar cun la carta, entant ch'il proxim na po betg far quai.
Schliaziuns intermediaras
Il mardi saira ha la firma SIX annunzià, ch'ella haja pudì stabilisar la situaziun en il decurs dal di cun prender pliras mesiras urgentas. Agens experts ed externs lavurian vinavant cun tutta forza per schliar il disturbi.
Era en l'Austria
Cun sumegliants disturbis ha la firma SIX era stuì cumbatter en l'Austria. Il glindesdi eran tant staziuns da pajar en butias sco era automats da bancas pertutgads. Il mardi han ils problems en las butias cuntinuà.
RR novitads 10:00/20:00