Legenda:
Forsa baingleiti in char studi:
van ils plans da spargn dal stadi sin donn e cust dals students da l'ETH?
Keystone
Students da las scolas politecnicas da Turitg e Losanna ston a partir da l'auter onn eventualmain pajar il dubel per studegiar. Enstagl da fin ussa duajan las taxas da studegiar vegnidas dublegiadas da 1’200 sin 2’400 francs ad onn. Quai ha ditg il president da l'ETH Losanna, Patrick Aebischer.
Auzament purtass ad ETH fin 10 milliuns francs per onn
Quest’idea d’auzar las taxas da studi saja ina reacziun sin las mesiras da spargn da la Confederaziun. Tranter il 2017 ed il 2019 vul lezza investir radund ina mesa milliarda francs pli pauc en la furmaziun e perscrutaziun.
Per l’ETH munta il pli pitschen budget mintg’onn 30 fin 50 milliuns francs pli pauc, uschia Aebischer. Cun dublegiar las taxas da studi avess la scol’auta mintg’onn tranter 9 e 10 milliuns francs dapli.
RR novitads 18:00