Siglir tar il cuntegn

Header

Bler palpiri ed in um che scriva al computer.
Legenda: Pervi dals tschains negativs èsi fin cun l’avantatg da pajar pli baud la taglia federala. Keystone
cuntegn

Svizra Pajar taglia federala avant il termin na porta nagut pli

Tgi che paja sias taglias federalas avant il termin, na profitescha en il futur betg pli d'in tschains. Tenor il departament da finanzas vegn il tschains da bunificaziun sbassà sin nulla il 2017. Ina raschun èn ils tschains negativs.

Fin ussa han ils pajataglias pudì quintar cun in tschains da bunificaziun da 0,25 per tschient - sch'els han pajà lur taglias federalas avant il termin. Ils tschains negativs hajan entant intimà adina dapli persunas da pajar lur taglias federalas voluntarmain avant il termin, scriva il departament. Quai sfalsifitgeschia la bilantscha ed engrevgeschia da far il preventiv.

Nagin avantatg per la Confederaziun

Ils pajataglias che parcheschan lur daners tar la Confederaziun portan a la cassa federala quest onn entradas supplementaras da 900 milliuns francs. Entradas supplementaras saja quai dentant mo en ils cudeschs, effectivamain sajan quests pajaments anticipads simplamain daners stuschads sin l’axa cronologica.

Cun ina midada era da quintar

Che la Confederaziun sbassia il tschains da bunificaziun sin nulla era da spetgar. Gia l'avust aveva il directur da l'Administraziun federala da finanzas Serge Gaillard ditg che la glieud saja sco reagir sin ils tschains negativs. La Confederaziun pondereschia perquai midadas tar la taglia federala directa.

RR novitads 12:00

Dapli da Svizraavrir la Landingpage

Nach links scrollen Nach rechts scrollen