Svizra - Pajataglias dastgan trair giu bler pli pauc per custs da viadi
A partir dal 2016 dastgan ils pajataglias svizzers trair giu be pli maximalmain 3'000 francs per ils custs da viadi a la lavur. Quai tant per custs da viadi cun meds da transport privats sco er per meds publics. Enfin qua pudevan ils pajataglias trair giu fin a 12'500 francs.
Il Departament federal da finanzas ha adattà il reglament per custs da professiun. Pertutgads da questa midada èn surtut pendularis cun in abunament general da la viafier d'emprima classa e pendularis che fan dapli che 20 fin 35 kilometers cun l'auto a di. La raschun per questa midada è il nov fond per l'infrastructura da viafier FABI.
