En Svizra ed il Principadi da Liechtenstein datti 1'095 novas infecziuns dal coronavirus entaifer ils ultims trais dis. Quai ha communitgà l'Uffizi federal da sanadad. Da nov desista il BAG d'annunziar novs cas la fin d'emna. Perquai cumpiglià il dumber annunzià oz ils cas da sonda, dumengia e glindesdi.
En pli saja il dumber da mortoris s'augmentà per tschintg sin 1'770. Da tut ils tests fatgs ils ultims trais dis sajan bunamain 4% stads positivs.
En il chantun Grischun datti actualmain radund 30 cas activs. Passa 80 persunas èn en quarantina. Quatter persunas vegnan actualmain tractadas en l'ospital en connex cun Covid-19.
Ulteriuras infurmaziuns
Per tadlar curt e concis:
audio
Passa 1'000 infecziuns en trais dis
ord Actualitad dals 21.09.2020.
Maletg: RTR
laschar ir. Durada: 1 minuta 2 Secundas.