Siglir tar il cuntegn

Header

cuntegn

Pandemia da Covid-19 Bunamain tut ils letgs occupads

Durant la pandemia da corona eran occupads fin 98% dals letgs sin las staziuns intensivas dad ospitals svizzers. Quai saja stà il cas ils 10 d'avrigl, scriva la societad svizra per medischina intensiva. Ella ha analisà las datas da la fin da mars fin la mesadad da zercladur dad 82 staziuns intensivas. Las staziuns intensivas na sajan però mai stadas surchargiadas, uschia la societad per medischina intensiva.

La pli auta occupaziun da letgs entras malsauns da Covid-19 era ils 5 d'avrigl cun 56%. Quai sa mussa er en ils dumbers da cas da l'Uffizi federal da sanadad BAG. Ils 16 da zercladur eran anc 3% dals letgs occupads da pazients da Covid-19. I haja dà grondas differenzas regiunalas. Uschia sajan las staziuns intensivas en ils chantuns Genevra e Tessin stads occupads il pli fitg.

En media da l'onn èn ils letgs intensivs en Svizra occupads per 75%.

RTR novitads 17:00

Artitgels legids il pli savens

Scrollar a sanestra Scrollar a dretga