Uschia mussa la retschertga era che 16% dals clubs, 7% da las bars e 46% dals locals d’event han stuì serrar las portas pervi da problems finanzials.
En 70% dals clubs e da las bars dumandadas saja ina part dal persunal en lavur curta. Tiers vegn ch'ina gronda part da las firmas dumandadas spargnan tar la cultura – uschia perdan era artistas ed artists locals lur entradas.
La prolungaziun da 2G+ saja in grond problem per la branscha. Perquai vul l'organisaziun da la branscha da clubs e bars che la regulaziun speziala per la lavur curta vegnia prolungada, ed era ch'i dettia agid finanzial svelt e nuncumplitgà.