Datas sensiblas da plirs millis clients da l'interpresa da taxi Yourtaxi èn stadas accessibels per mintgin en l’internet. La dumengia ha l'interpresa lura deactivà la pagina ed è sa perstgisada tar lur clients via Twitter.
I na saja mai stà l'intenziun da far accessiblas datas sensiblas. L'interpresa veglia en ils proxims dis segirar lur sistem cunter attatgas da hackers.
Naginas datas da las cartas da credit
L'interpresa ha confermà che nums, adressas dad e-mail, sco er il lieu d'entrada e l'arrivada dals clients sajan stads accessibels en l'internet. Las infurmaziuns da cartas da credit na sajan dentant betg stadas accessiblas.
Scuvert la «fora da datas» aveva la gasetta «SonntagsBlick».
RR novitads 09:00