Siglir tar il cuntegn

Header

cuntegn

Panna electronica Landiswil perda datas electronicas da plirs mais

La vischnanca bernaisa Landiswil sto spustar la radunanza communala. La raschun è che la vischnanca ha pers datas electronicas da plirs mais. Ids a perder èn las datas dal 4 da december 2020 fin 21 da mars 2021. Tranter auter è er la contabilitad inclusivamain il quint annual 2020 ida a perder.

Emblidà d'activar segiranza supplementara

Capità saja quel incap cun midar l’EDV pia l’elavuraziun electronica da datas da la vischnanca en ina cloud d’in purschider extern, sco i ha num sin la pagina d’internet da Landiswil. In registrer da las datas ch'èn idas a perder exista betg. La firma surpiglia il donn. Ed ins haja cumenzà a prender suenter la lavur.

Betg pertutgà sajan datas da taglia ch'èn arcunadas tar il chantun. La vischnanca Landiswil en l’Emmental dumbra radund 600 abitantas ed abitants.

RTR novitads 12:00

Artitgels legids il pli savens

Scrollar a sanestra Scrollar a dretga