En il tren sajan stads radund 800 passagiers. Els hajan pliras uras stuì tegnair la dira en il tren, avant ch’in auter tren haja transportà els ord il tunnel. Il traffic da trens saja stà bloccà pliras uras.
La raschun da la panna saja stà in disturbi da la lingia electrica. Actualmain sajan ins vid far reparaturas. Quant ditg che quai cuzza na saja anc betg cler. Fin là vegnia mo in binari dal tunnel duvrà. Perquai possia dar retards da var 10 minutas.
