En il Grischun èn Luca e Lara stads ils nums ils pli populars da pops il 2019. Quai avant Mauro e Lia, ha communitgà l'Uffizi federal da statistica. En l'entira Svizra èn stads Mia e Liam ils nums ils pli populars per pops. Sin il segund plaz suondan Emma e Noah, sin il terz Sofia e Matteo.
Differenzas tenor lingua
Ils nums sa differenzieschian era tenor regiun linguistica. En la Svizra tudestga èn Mia e Noah ils nums ils pli populars. En Svizra franzosa Emma e Liam, en la Svizra taliana èsi Sofia e Leonardo. Ils Rumantschs han il pli savens dà ils num Lina ed Elia.
Ord l'archiv:
A propos nums rumantschs:
audio
«Nums rumantschs en la bassa» da Barbla Etter
ord Impuls dals 28.02.2019.
Maletg: mad
laschar ir. Durada: 1 minuta 34 Secundas.
