Siglir tar il cuntegn

Header

cuntegn

Parahotellaria sa revegn Boom da campar ed abitaziuns da vacanzas emplenidas

La parahotellaria svizra è sa revegnida en il segund quartal da l'onn, cumpareglià cun il medem temp il 2020. Lura aveva la parahotellaria anc patì da las mesira severas da corona. In boom han cunzunt ils campadis gì, er las abitaziuns da vacanzas sajan stadas emplenidas meglier. En tut èn vegnidas dumbradas da l'avrigl enfin il zercladur 3,6 milliuns pernottaziuns en Svizra, quai mussan las cifras provisoricas da l'Uffizi federal da statistica. L'onn 2020 da quest temp vevi dà 1,2 milliuns pernottaziuns. La gronda part da las pernottaziuns han generà giasts svizzers, els fan or 88% da tut las penottaziuns da la parahotellaria che cumpiglia campadis, abitaziuns da vacanzas u er alloschis collectivs.

Boom da campar

Spezialmain popular èn durant ils mais d'avrigl enfin zercladur 2021 ils campadis stads. En tut han 1,87 milliuns persunas pernottà en tendas u rulottas sin campadis svizzers. Cumpareglià cun la medema perioda dal 2020 è quest dumber sa multiplitgà cun trais. Er meglier èn las abitaziuns da vacanzas stadas occupadas. Là en las cifras sa dublegiadas sin stgars 1,2 milliuns pernottaziuns. Er alloschis collectivs sco albierts da giuventetgna han nudà dapli pernottaziuns, en tut 600'000, quai èn trais giadas uschè bler sco il medem temp da l'onn 2020.

RTR novitads 11:00 ;

Artitgels legids il pli savens

Scrollar a sanestra Scrollar a dretga