Cun il parc d'innovaziun duai vegnir simplifitgà il barat e la lavur communabla da perscrutaders ed interpresas. La finamira è tranter auter da carmalar en Svizra dapli privats che vulan investir en la perscrutaziun e da meglierar las investiziuns existentas.
Lieus dal parc
Il parc d'innovaziun duai l'emprim vegnir repartì en 4 lieus, tranter auter en la regiun da las scolas politecnicas da Losanna e Turitg-Dübendorf. Er sin la plazza aviatica militara Dübendorf duai ina part dal parc d’innovaziun chattar domicil. Per realisar il parc dat la confederaziun giu terren en dretg da bajegiar, il messadi è vegnì surdà al parlament.
Era il Grischun ha interess
Tenor l'Uffizi d'economia chantunal vul era il Grischun inoltrar in dossier.
Anc quest onn duai il parlament decider davart il conclus.
RR novitads las 15:00