Il traffic da persunas regiunal duai era survegnir en l'avegnir sustegn da la Confederaziun. Il Cussegl naziunal ha approvà il messadi dal Cussegl federal. Per ils proxims quatter onns vul la Confederaziun impunder radund 4,4 milliardas francs. Quai èn 250 milliuns francs dapli ch'en la perioda actuala. Ils daners duain cuvrir la mesadad dals custs betg cuverts da las interpresas da transport. Concret duai vegnir investì en novs trens e la purschida per la clientella duai vegnir extendida.
Sch'il Cussegl federal vesess ch'ils daners na tonschan betg, pudess el dumandar credits supplementars l'onn 2023. La contribuziun da la Confederaziun al traffic da persunas regiunal è creschì dapi l'onn 2008 davent da 750 milliuns sin 918 milliuns il 2015 e fin 2025 vegni ad esser radund 1,1 milliardas mintg'onn.
Sco proxim decida il Cussegl dals chantuns.