Siglir tar il cuntegn

Header

cuntegn

Parlament a Berna Sessiun da primavaira na vegn betg interrutta

Malgrà ch'il coronavirus sa derasa adina pli fitg en Svizra na vegn la sessiun da primavaira dal parlament a Berna betg interrutta. Quai ha decis la delegaziun d'administraziuns da las duas chombras.

Ella cusseglia però ulteriuras mesiras, tranter auter da tegnair distanza. Plinavant vegn restrenschì vinavant il circul da persunas che han access en Chasa federala. Uschia na dastgan anteriurs commembers dal parlament betg pli entrar. Vinavant access han schurnalistas e schurnalists.

Refusà segunda dumonda d'interrumper

Pli tard ha il cusseglier naziunal da la PPS Thomas Aeschi (PPS/ZG) pretendì en l'ura da dumonda, d'interrumper la sessiun per in'emna pervi dal coronavirus. Uss haja num proteger Svizzers e Svizras pli veglias. Il Cussegl naziunal ha refusà cleramain la dumonda, cun 155 cunter 13 vuschs.

Glindesdi da mezdi era il dumber dals cas da coronavirus confermads en Svizra creschì sin 312, quai èn 31 dapli che la dumengia.

Valitaziun avant decisiun

Discurs cun il correspundent da RTR, Adrian Camartin, avant che la decisiun definitiva è crudada.

audio
Vegn la sessiun da primavaira dal Parlament federal a Berna interrutta u betg?
ord Actualitad dals 09.03.2020.
laschar ir. Durada: 4 minutas 42 Secundas.

RTR novitads 14:00

Artitgels legids il pli savens