Siglir tar il cuntegn

Header

cuntegn

Parlament a Berna Sustegn finanzial per sanaziuns d'hotels en las regiuns

Divers hotels en las regiuns teman per il futur, perquai ch'ils daners mancan per far sanaziuns. Perquai duai dar in program d'impuls per sanaziuns. Il Cussegl dals chantuns ha approvà l'emna passada la moziun. Uss è la debatta en il Cussegl naziunal.

Blers hotels en las regiuns sajan in pau antiquads, e n'adempleschian betg pli las spetgas dals giasts. Per pudair renovar ils bajetgs e l'entira infrastructura, manchian als possessurs dentant savens ils daners.

Perquai vegnia be fatg il pli necessari e perquai vegnia er la sanaziun energetica savens a la curta. Quai na saja betg l'interess da la Confederaziun e da la strategia d'energia. La moziun vegn anc da l'anteriura cussegliera naziunala da la partida socialdemocratica, Silva Semadeni. Ella scriva en la moziun ch'in program d'impuls d'intgins onns avess in effect positiv dubel. En emprima lingia per l'hotelleria ed il turissem en las regiuns perifericas da la Svizra – ed en segunda lingia per la protecziun dal clima.

Era sch'il Cussegl federal propona da dir Na a la moziun, ha il Cussegl dals chantuns approvà quella. Uss è la balla tar il Cussegl naziunal.

RTR actualitad 07:00

Artitgels legids il pli savens

Scrollar a sanestra Scrollar a dretga