Gia il glindesdi aveva il Cussegl naziunal desistì dad ir sin confruntaziun cun l’Uniun europeica UE tar las midadas dal dretg d’armas ed approvà la proposta da cumpromiss dal cussegl dals chantuns. L’UE aveva rinforzà il dretg d’armas en ses stadis commembers suenter las attatgas a Paris il november 2015. La Svizra ha da metter enturn ils midaments fin la fin da matg 2019. Cas cuntrari smanatscha l’UE cun finir la collavuraziun sin basa da la cunvegna da Schengen/Dublin.
Cunzunt la Partida populara svizra PPS è cunter il cumpromiss. Suenter la terrada vegn la partida probabel a lantschar il referendum sco smanatschà.
RR novitads 11:00+
