Cun 28 cunter 14 vuschs è il Cussegl dals chantuns s'exprimì per la proposta da la Cumissiun da las instituziuns politicas.
Cunquai suonda la chombra pitschna a l'exempel dal Cussegl naziunal. Là èsi gia oz enconuschent tgi ch'ha mintgamain decis tge. Il cussegl dals chantuns publitgescha enfin uss mintgamai mo tar votaziuns generalas e finalas ina glista da nums.
Iniziativa parlamentara
Il motiv per la midada è in'iniziativa parlamentara dal cusseglier dals chantuns Thomas Minder dal chantun Schaffusa. Minder ha crititgà cun sia iniziativa la «transparenza selectiva» da la chombra pitschna envers ils electurs.
La tema, che la transparenza fetschia donn a la cultura da discussiun en il Cussegl dals chantuns, saja nungiustifitgada. Quai mussia er l'experientscha.
video
Thomas Minder «Il Cussegl dals chantuns n'è grazia a la votaziun electronica betg pli ina chombra stgira»
Or da News-Clip dals 15.12.2021.
laschar ir. Durada: 26 Secundas.