Siglir tar il cuntegn

Header

video
Werner Salzmann (PPS) «Sold è in mussament da stima».
Or da News-Clip dals 13.12.2021.
laschar ir. Durada: 53 Secundas.
cuntegn

Parlament Dapli sold per schuldads

Tgi ch'è tar l'armada u tar il servetsch civil duai el futur survegnir dapli daners. Suenter il Cussegl naziunal ha oz er il Cussegl dals chantuns approvà ina moziun correspundenta.

La decisiun da la chombra pitschna è però stada fitg stretga: quai cun 24 tar 21 vuschs. Il sold saja ina tradiziun impurtanta, in mussament da stima envers quellas persunas che prestian in servetsch, ha ditg Werner Salzmann da la PPS. Suenter 30 onns vegnia temp dad adattar quest sistem – il sold na dastgia betg mo esser politica simbolica.

Auter valità la situaziun ha la ministra da defenisun Viola Amherd – ina midada dal sold, sulettamain sin basa dal caracter simbolic – na saja betg commensurà. In'augment da 2,50.- per di munta custs supplementars da 13,5 milliuns francs ad onn per l'armada. Questa moziun na portia betg dapli stima. Pli impurtant saja d'engraziar a las persunas per lur lavur, uschia Amherd – quai valia dapli che 2,50 francs a di.

L'ultima adattaziun dal sold hai dà il 1987. El sa drizza tenor grad da servetsch: recruts survegnan en il mument qautter francs per di - per schuldads èsi tschintg francs e per corporals set francs.

RTR novitads 18:00

Artitgels legids il pli savens