Siglir tar il cuntegn

Header

cuntegn

Svizra Parlament decida davart pact da migraziun

Il parlament duai pudair decider davart il pact da migraziun da l'ONU. Quai pretenda suenter il Cussegl dals chantuns er il Cussegl naziunal.

Schebain la Svizra duai approvar il pact da migraziun da las Naziuns Unidas ONU u betg, quai duai esser ina decisiun dal parlament. La maioritad dal Cussegl naziunal è stà da l'avis ch'il parlament possia uschia sa fatschentar pli profundamain cun il pact da migraziun. In Na definitiv al pact ha il Cussegl naziunal refusà cun 104 cunter 90 vuschs tar ina abstenziun.

Divers pajais han acceptà il glindesdi uffizialmain il pact da migraziun a Marrakesch. La Svizra è stada absenta a la conferenza: Il Cussegl federal sustegn bain il contract, ha dentant decidì da spetgar ils resultats da las debattas en il parlament.

RR novitads 12:00

Artitgels legids il pli savens