Parlament di na a la «No Billag»

Cussegl naziunal e Cussegl dals chantuns proponan da dir da na a l’inizitiva «No Billag». L’iniziativa «No Billag» vul stritgar las contribuziuns per radio e televisiun. Cun questas contribuziuns vegnan finanziads la SRG/SSR cun RTR, SRF, RSI ed RTS, sco era emetturs privats.

"No Billag" vul stritgar las taxas per radio e televisiun. Bild in Lightbox öffnen.

Legenda da maletgs: «No Billag» vul stritgar las taxas per radio e televisiun. Keystone

Il Cussegl naziunal ha refusà l'iniziativa «No Billag» cun 122 vuschs. Per l'iniziativa han 42 parlamentaris vuschà e 15 èn s'abstenids da la vusch. Er la cuntraproposta da la PPS da limitar la taxa per radio e televisiun sin 200 francs ad onn n'ha chattà nagina maioritad: Cun 108 cunter 70 vuschs e duas abstenziuns ha il Cussegl naziunal decidì da betg entrar en chaussa.

La debatta davart la «No Billag» era intensiva e per part era emoziunala. En tut han var 70 parlamentaris vulì s’exprimer. Era sche i è vegni debattà davart las finanzas era la rolla da la SRG/SSR en il center da las discussiuns. Numnadamain tge rolla che la chasa da medias ha per la democrazia e la solidaritad en Svizra.

Ils Cussegl dals chantuns ha gia ordavant tractà l'iniziativa «No Billag» e medemamain refusà ella. L'ultim pled ha uss il suveran svizzer. La votaziun è probabel l'onn proxim.

RR actualitad 17:00