En las rangaziuns internaziunalas saja la Svizra crudada enavos quai che pertutga l’attractivitad sco lieu economic di il schef econom dad economiesuisse Rudolf Minsch. L’organisaziun da tetg da l'economia ha analisà 100 affars da questa legislatura e guardà co che quels han influenzà la Svizra sco plazza economica. Tar ils blers affars n’haja betg dà grondas midadas. En questa legislatura n’hajan ins dentant betg fatg cumpromiss en il parlament per vegnir enavant di Minsch. Ins saja stà salda.
Auters pajais fan progress, la Svizra è dentant stada salda.
Sco negativ valitescha Economisuisse oravant tut ils problems cun l'AVS (Assicuranza per vegls e survivents) sco era la problematica cun la cunvegna da basa cun l'Uniun Europeica. Qua stoppian ins chattar uss finalmain ina soluziun intuna l'organisaziun. Els sperian sin ina meglra legislatura suenter las elecziuns dal Parlament federal l'october.
RR actualitad 11:45