L'iniziativa per concern responsabels vegn definitavamain en votaziun cun ina cuntraproposta indirecta. Oz ha er il Cussegl dals chantuns approvà la proposta da la conferenza d'intermediaziun. Il Cussegl naziunal ha approvà quella ier.
Cuntraproposta va pli lunsch
La cuntraproposta va in bun tant pli pauc lunsch che l'iniziativa. Lezza pretenda che concerns cun sedia en Svizra ston era en l'exteriur resguardar ils dretgs umans e ston star botta sch'els fan donn a la natira. E quei era sche betg els direct mabain societads affiliadas èn responsablas per ils donns.
Infurmar meglier il public
La cuntraproposta percunter na vul betg che concerns èn spezialmain responsabels, pretenda dentant ch'els ston infurmar la publicitad davart surpassaments e sch'els èn activs en regiuns da conflict u en branschas nua che la lavur d'uffants è derasada, ston els ademplir criteris pli severs quai che pertutga l'obligaziun da diligenza.
Votà davart l'iniziativa e da la cuntraproposta vegn probabel il november.
