Transferir il traffic da rauba che traversa las Alps sin ils binaris dastga custar.
Il parlament è pront d'impunder bler dapli ch'il Cussegl federal. Lez vuleva conceder dal 2023 fin il 2026 mintg'onn 30 milliuns francs dapli ch'enfin uss, en total 90 milliuns.
Suenter il Cussegl naziunal ha uss er il Cussegl dals chantuns decidì dad impunder 55 milliuns francs dapli ad onn e prolungar il termin per 4 onns fin l'onn 2030. En tut vul il parlament pia conceder 385 milliuns francs per transferir il traffic da rauba sin ils binaris.
La finamira è da reducir ils viadis da camiuns tras las Alps mintg'onn sin 650'000. L'onn passà ha quest dumber anc muntà a 900'000 viadis.
La fatschenta è pronta per las votaziuns finalas.
Ord l'archiv
video
Dapli daners per il transport da rauba sin binaris
Or da Tagesschau dals 10.03.2020.
laschar ir. Durada: 1 minuta 51 Secundas.
