- Il parlament federal s'inscuntra a partir dals 4 da matg a la sessiun extraordinaria. Quella ha lieu en la halla d'exposiziun da Berna, han ditg Isabelle Moret (presidenta dal Cussegl naziunal) e Hans Stöckli (president dal Cussegl dals chantuns).
- En la sessiun vegn decidì davart las mesiras d'urgenza dal Cussegl federal en la crisa da corona. I na dat nagins auters temas.
Per la sessiun saja reservada l'entira emna ed i vegnian tractadas sulettamain fatschentas en connex cun il coronavirus, ha ditg Stöckli. Anc betg cler è nua exact sin l'areal da la Bernexpo che la sessiun duai esser.
audio
Hans Stöckli: «Er il parlament ha in dretg d'urgenza»
ord Actualitad dals 26.03.2020.
Maletg: Keystone
laschar ir. Durada: 34 Secundas.
Pretendì ina sessiun han tant il Cussegl federal sco er 32 cusseglieras e cussegliers dals chantuns.
La delegaziun da finanzas da las duas chombras parlamentaras (FinDel) ha gia dà glisch verda per las decisiuns da credit dal Cussegl federal. Il mument sa tracti qua d'ina summa da 30,7 milliardas francs.