Il parlament federal fa prescripziuns a la Confederaziun en connex cun promover finanzialmain la vendita da vin svizzer. El ha perquai fixà ina summa da nov milliuns francs per onn. Il cussegl dals chantuns ha acceptà ina moziun correspundenta. La moziun da la cumissiun d'economia dal Cussegl naziunal va ussa tar il Cussegl federal. Il Cussegl naziunal aveva approvà la moziun gia il zercladur 2022.
Il parlament aveva gia approvà d'auzar la promoziun da la vendita sin nov milliuns francs en las debattas da preventiv per ils onns 2023 e 2024. La maioritad dals parlamentaris na vulevan lura però betg auzar ella a lunga vista.
Avant la pandemia da Covid-19 aveva la Confederaziun sustegnì la vendita da vin svizzer cun 2,8 milliuns francs per onn. Durant la pandemia era la summa alura però vegnida auzada ad interim.