Siglir tar il cuntegn

Header

cuntegn

Parlament federal La Svizra duai augmentar il barat cun la China

Il parlament a Berna vul che la Svizra haja dapli barat cun la China e coordineschia meglier sia preschientscha. Il Cussegl naziunal ed il Cussegl dals chantuns han approvà ina moziun al Cussegl federal. Cunter eran la PPS e la PLD. D'installar in ministeri d'infurmaziun per la China na saja betg necessari, ha manegià Roger Köppel da la Partida populara. La maioritad era dentant da l'avis ch'i haja num augmentar la savida che pertutgia spezialmain la China e da rinforzar las cumpetenzas correspundentas en Svizra.

Fin uss è la strategia dal Cussegl federal envers la China vegnida coordinada d'ina gruppa da lavur da differents departaments federals. Il parlament vul uss dentant ir in pass vinavant e far in gremi pli uffizial.

Tenor il minister per l'exteriur Ignazio Cassis saja in augment da las activitads da la Svizra part da la discussiun e da l'implementaziun da la strategia. El ha dentant proponì, en il num dal Cussegl federal, da refusar la moziun. In gremi uffizial fetschia pli plaun la chaussa. El prefereschia ina moda da proceder pli flexibla.

audio
Per tadlar: Las novitads da las 15:00
ord RTR Audio dals 10.03.2022.
laschar ir. Durada: 2 minutas 25 Secundas.

RTR novitads 15:00

Artitgels legids il pli savens

Scrollar a sanestra Scrollar a dretga