Siglir tar il cuntegn
Inhalt

Svizra Parlament federal refusa iniziativa vatgas cun cornas

Suenter il Cussegl dals chantuns recumonda er il Cussegl naziunal da refusar l'iniziativa per las vatgas cun cornas, e quai senza cuntraproposta. Ina maioritad da 108 cunter 42 vuschs è da l'avis che las cornas da vatgas e chauras na tutgan betg en la constituziun.

purtet d'ina vatga cun cornas
Legenda: Omaduas chombras parlamentaras refusan l'iniziativa vatgas cun cornas. Keystone

«A mai plaschan vatgas cun cornas er meglier», ha ditg il cusseglier naziunal Martin Landolt, PBD/GL, durant la debatta. Tar tutta chapientscha per il giavisch na tutgia quai dentant betg en la constituziun, uschia Landolt. El ha er pledà ord il cor da PLD, PCD e d'ina gronda part da la PPS. Er il president da l'uniun purila svizra, Markus Ritter, PCD/SG, ha ditg che animals cun cornas giaudian simpatia. La decisiun cun e senza cornas saja dentant er ina dumonda economica.

RR novitads 18:00