Siglir tar il cuntegn

Header

cuntegn

Svizra Parlament federal vul dapli qualitad en il sectur da sanadad

Ina cumissiun federala duai promover la qualitad en il sectur da la sanadad. Suenter il Cussegl naziunal ha uss era il Cussegl dals chantuns decidì uschia.

Tenor la veglia dal parlament duai il Cussegl federal nominar ils commembers da la cumissiun da qualitad. En quai connex sto el resguardar la represchentanza adequata dals chantuns, dals ospitals e medis, da las assicuranzas da malsauns e dals assicurads sco era dals experts. Tenor il Cussegl dals chantuns stoppian ultra da quai era las organisaziuns da pazients esser da la partida.

Finamira da la cumissiun federala è da meglierar ils process da lavur en ils ospitals e tar ils medis. Quai per reducir sbagls ed augmentar la segirtad ed uschia reducir ils custs da sanadad. A la cumissiun stattan a disposiziun 45,2 milliuns francs, quai per ils onns 2021 enfin 2024. Quels custs vegnan repartids egual sin la Confederaziun, ils chantuns e las assicuranzas da malsauns.

Pervia da pitschnas differenzas tracta ussa anc ina giada il Cussegl naziunal davart la fatschenta.

RR novitads 17:00

Artitgels legids il pli savens