Siglir tar il cuntegn

Header

cuntegn

Parlament Procura publica duai restar independenta, però pli controllada

La Procura publica federala e sia surveglianza duain vegnir refurmadas. Da quest avis èn omaduas chombras dal parlament.

Suenter il Cussegl dals chantuns ha er il Cussegl naziunal approvà la moziun correspundenta. La cumissiun da gestiun dad omadus chombras propona ina schliaziun «status quo – plus». Cun quella duai la Procura publica federala restar independenta ed er vinavant vegnir controllada d'ina autoritad independenta. Las cumpetenzas da l'autoritad da controlla vul il parlament federal sclerir e rinforzar. In'ulteriura dumonda saja, sche la Procura publica federala na profitassia betg d'in collegi da direcziun.

La ministra da giustia Karin Keller-Sutter è per ina refurma moderada.

Nus na stuain betg ponderar tut da nov.
Autur: Karin Keller-Sutter ministra da giustia

Suletamain la PPS refusescha la moziun. Els vulian ina «dretga, vera refurma en la giustia», di il pledader da la fracziun Pirmin Schwander. Ina mini-refurma na portia nagut e zuppentia be ils problems effectivs.

audio
Per tadlar curt e cumpact
04:36 min, RTR Audio dals 21.09.2021.
laschar ir. Durada: 04:36 minutas.

RTR novitads 09:00

Artitgels legids il pli savens

Scrollar a sanestra Scrollar a dretga