Las puras èn Svizra duajan esser segiradas meglier finanzialmain. Suenter il Cussegl naziunal ha er il Cussegl dals chantuns approvà differentas intervenziuns che vulan reducir ils ristgs fianzials. Savens sajan tut ils meds finanzials da tut ils participads vegnids investids en il bain puril hai gì num durant la debatta. Bleras partenarias e partenaris sajan ruinads sch'ina letg vegn divorziada. Sco proxim tracta il cussegl federals las moziuns.
Da nov duain commembers da famiglia survegnir ina paja en daner blut u ina part da las entradas dal bain puril sco luvrer independent. Tar in divorzi duai il partenari u la partenaria survegnir ina indemnisaziun adequata. Il Cussegl federal refusescha questa proposta. Questa schliaziun na saja betg pratica e dificil da controllar, di Guy Parmelin, il minister da l'agronomia. Schliaziuns sajan vegnì proponì en la politica agrara 2022+. Il parlament ha dentant stuschà la discussiun davart quest tema fin ch'il Cussegl federal preschenta in rapport detaglià.
