Cura che dretgiras svizras han sentenzià dschihadists esters, duain las autoritads pudair expulsar quels en lur pajais d'origin. Quai era sch'ils sentenziads ston quintar cun tortura, u cun auters tractaments brutals ed inhumans.
Suenter il Cussegl naziunal ha era il Cussegl dals chantuns sustegnì questa proposta, cun 22 cunter 18 vuschs ed ina abstenziun, quai cunter la veglia da sia cumissiun. La proposta vegn dal cusseglier cristiandemocrat Fabio Regazzi dal Tessin.
Betg simpel da pasantar
La pledadra da la cumissiun Pascale Bruderer a discurrì d'in dilemma. Terrorists sentenziads che restian en Svizra suenter avair sesì giu lur chasti, sajan in privel potenzial per la publicitad. Sche la Svizra tramettia dentant enavos quels, alura cuntrafetschia ella a reglas internaziunalas. E la Svizra pudessia uschia era daventar cumplizi d'in stadi che tortureschia.
RR novitads 12:00