Novas leschas u midadas da lescha, che custan bler, dovran da nov la maioritad qualifitgada per vegnir decisas en il parlament. Suenter il Cussegl naziunal ha ussa era il Cussegl dals chantuns approvà ina moziun en quest senn.
Las reclamaziuns pervi da la regulaziun exagerada sajan uschè veglias sco la Chasa federala sezza, ha ditg il cusseglier dals chantuns Andrea Caroni. Ord quest motiv stoppian ins uss limitar quella. Il frain duai vegnir en acziun cura ch’ina lescha chaschunia custs da regulaziun pli auts per dapli che per 10’000 interpresas u cura ch’ina tscherta limita da custs è surpassada.
RR novitads 12:00