Siglir tar il cuntegn

Header

cuntegn

Part Sura Bernaisa Tschintg sportists sa delibereschan or da lavina

Cletg en il discletg han quatter skiunzs ed in snowboardist gì dumengia avantmezdi a Grindelwald en la Part Sura Bernaisa. Els èn vegnids tschiffads d'ina lavina, han dentant pudì sa deliberar ed èn restads senza blessuras.

Il cas è capità al Rotstock, sco Corinne müller da la Polizia chantunala bernaisa ha declerà sin dumonda da Keystone-SDA. Avant aveva «20 minutas» rapportà ch'ina lavina saja vegnida giu.

Tant sco quai ch'ins sappia uss, na sajan naginas ulteriuras persunas vegnidas en la lavina, ha ditg Müller. Ina tschertga cun il salvament alpin svizzer cun chauns saja stà senza resultat.

RTR novitads 16:00

Artitgels legids il pli savens