Part Sura Bernaisa - Var 140 persunas evacuadas or da la funiculara dal Niesen

En la Part Sura Bernaisa ha la funiculara dal Niesen stuì vegnir evacuada sonda pervi d'in defect tecnic. Radund 140 persunas èn vegnidas sguladas cun helicopters da la Rega giu en la val. Il maina-fatschenta da la pli lunga funiculara da l'Europa Urs Wohler ha confermà in rapport da gasettas. Cun dus helicopters sajan ils giasts vegnids sgulads la saira a l'eroport da Reichenbach. Spezialists sajan dapi sonda al lieu per eruir il sbagl. Quant ditg che la funiculara resta serrada n'è anc betg cler.