La cussegliera federala Karin Keller-Sutter fa damaun ina visita uffiziala en Georgia. La ministra da giustia s'inscuntra cun ses collega d'uffizi per suttascriver ina decleraziun d'intenziun per in partenadi da migraziun. Quest partenadi duai esser la basa per tut ils aspects da la collavuraziun davart migraziun cun la Georgia. Quai ha communitgà il Departament federal da giustia e polizia.
Collavuraziun dapi il 2005
La Svizra e la Georgia collavuran gia dapi il 2005 tar la migraziun. Il 2005 han ils dus pajais suttascrit ina cunvegna da reacceptaziun. Il 2014 lura ina cunvegna per diplomatas e diplomats, il 2019 lura in'emprima cunvegna per rinforzar la collavuraziun tar la migraziun.