La Partida ecologica svizra ha preschentà ses plan per il clima surlavurà. Tenor quel duai la Svizra esser neutrala al clima fin l’onn 2030. E fin il 2040 duaja il pajais esser positiv al clima. Quai munta: Fin lura duaja la Svizra eliminar dapli CO2 ord l’atmosfera ch’emetter. Quai vulan ils Verds cuntanscher tranter auter cun scumandar autos da benzin u diesel.
Necessaria saja dentant ina midada fundamentala entaifer la societad e l’economia, ha ditg il president dals Verds, Balthasar Glättli ad ina conferenza da video.