En vista al cumbat electoral per las elecziuns naziunalas da l’atun che vegn vul la Partida liberaldemocratica svizra far l’economia ses tema principal. Las delegadas ed ils delegads da la partida han approvà in palpiri da posiziun en chaussa. Quel pretenda, tranter auter, damain birocrazia e dapli innovaziun. In’ulteriura finamira da la PLD èn damain prescripziuns per la lavur la saira e la fin d’emna.
Il president da la partida Thierry Burkhart è persvas ch'els quintian l'atun tar ils victurs, ha el ditg avant radund 350 delegadas e delegads a Dübendorf. La finamira dals liberaldemocrats saja da survegnir dapli vuschs che la Partida socialdemocratica.
