Siglir tar il cuntegn

Header

La presidenta Petra Gössi.
Legenda: Keystone
cuntegn

Partida liberaldemocratica Petra Gössì è vegnida reelegida

Petra Gössi resta per almain dus onns presidenta da la partida liberal-democratica PLD. Suenter esser stada 4 onns en uffizi è ella vegnida reelegida cleramain, quai cun 276 da totalmain 283 vuschs.

Jau m'allegrel fitg davart mia clera reelecziun. Ella conferma mai sin mia via e dat forza e curaschi per il futur.
Autur: Petra Gössipresidenta PLD

Er ils vicepresidents, il cusseglier dals chantuns Andrea Caroni (AR) ed il cusseglier naziunal Philippe Nantermod (VS) èn vegnids reelegids.

PLD vul sviluppar ina «strategia da biadis»

A la radunanza da delegads da la PLD èsi l'emprim ì per l'uschenumnada strategia da biadis. La Svizra dovria ina plazza economica che garanteschia er en l'avegnir ina plazza da lavur, ha ditg la president da la partida Petra Gössi.

In stoppia laschar enavos in lieu da viver intact per ils uffants e biadi. Quai valia tant per l'ambient sco era per l'infrastructura. Perquai vegnia la partida ad elavurar sia strategia da biadis ils proxims mais.

La Svizra dovria ina plazza economica che garanteschia era en il futur a tuts ina plazza da lavur.

Pervia da la pandemia da corona è la radunanza e las elecziuns en furma digitala.

RTR novitads 12:00 / 20:00

Artitgels legids il pli savens

Ir a sanester Ir a dretg