Suenter esser stà 4 onns en uffizi sa retira Albert Rösti primavaira proxima sco president da la PPS. Quai ha el ditg al SonntagsBlick. El tiria las consequenzas da las perditas che la partida haja patì l'october passà. Ad el saja vegnì cler, che la PPS stoppia prestar gronda lavur en ils chantuns. In futur president stoppia pudair investir là anc dapli temp.
Partida deplorescha che Rösti sa retira
La Partida populara svizra deplorescha l’annunzia da ses president Albert Rösti, da sa retrair. La suprastanza saja vegnida orientada che Rösti vegnia a demissiunar sin la fin da ses temp d’uffizi, ils 28 da mars, hai num en ina communicaziun da la partida.
L’onn proxim vul la suprastanza da la PPS cussegliar sur dals proxims pass. A chaschun da la radunanza da delegads ils 28 da mars a Basilea vegnia decis davart la successiun.
Ord l'archiv:
RTR novitads 06:00