La cussegliera naziunala dal chantun Vad, Ada Marra, sa retira dal post sco vicepresidenta da la Partida socialdemocratica. Quai ha communitgà la politicra da 48 onns sin Twitter. Suenter trais onns en uffizi veglia ella puspè sa deditgar a ses temas preferids, numnadamain l’integraziun, il cumbat cunter la povradad, il socialesser e l’ecologia.
Ella restia dentant vinavant en il Cussegl naziunal. Fin il favrer duaja vegnir elegì in successur u ina successura da Marra. Fin lura restia ella vicepresidenta.