Siglir tar il cuntegn

Header

cuntegn

Partida socialdemocratica Novas structuras al di da partida

Il di da partida, nua che la basa e la testa da la partida è s'inscuntrada per l'emprima giada dapi corona, ha cumenzà cun in pled dal co-presidi, Mattea Meyer e Cédric Wermuth.

Il presidi ha tranter auter tractà la politica da fugitivs, l'egualitad e la midada dal clima. Tema è natiralmein era stà il maletg da partida. Ni la PLD ni l'Allianza dal Center e cunzunt betg la PPS represchentian la libertad, ha ditg Wermuth. La PS saja la partida da la libertad. Sch'ils dretgs discurran da libertad giaja per ils privilegis dals ritgs e pussants. Libertad dettia dentant be sch'ella valia per mintgin e mintgina.

Il co-presidi ha annunzià differentas iniziativas che sajan en lavur. Tranter auter per refurmar la plazza da finanzas ed il provediment da vegliadetgna. Plinavant duai dar in'iniziativa per realisar l'access a la tgira d'uffants en l'entira Svizra.

Novas structuras da partida

Entras ina refurma da la partida vul la PS integrar pli fitg la basa. Concret duain ils dis da partida remplazzar las radunanzas da delegads ed a partir dad immediat valan quels sco pli aut organ da partida. In nov cussegl da partida duai en furma dad ina sort parlament remplezzar plirs gremis: tranter auter la direcziun, las conferenzas da coordinaziun e la radunanza da delegada e delegads.

Plinavant ha la PS decis pliras parolas. L'iniziativa che vul eleger ils derschaders e las derschadras federalas entras la sort vegn refusada. L'iniziativa «Per ina ferma tgira» survegn percunter sustegn, il medem vala per la lescha da Covid-19.

RTR novitads 20:00

Artitgels legids il pli savens

Scrollar a sanestra Scrollar a dretga