Balthasar Glättli candidescha per il presidi da la partida Verda Svizra. Quai hai il cusseglier naziunal da Turitg communitgà la damaun. La partida chantunala da Turitg haja nominà el formalmain per la successiun da Regula Rytz, scriva Glättli en sia communicaziun. Balthasar Glättli è pel mument l'unic candidat uffizial.
En ina brev als Verds declera el, ch'el stettia per ina politica che porschia in'alternativa verdaivla e positiva en vista a la catastrofa dal clima e la spariziun da spezias.
Regula Rytz sto chalar
L'onn 2012 era Regula Rytz vegnida ellegida sco co-presidenta da la partida verda. L'onn 2016 han ins lura decidì da mo pli avair ina persuna a la testa da la partida. Dapi là maina Regula Rytz sulet la manadra da la partida. Sco quai che la NZZ scriva, è il temp sco president da la partida limittà sin otg onns. L'elecziun dal nov president u da la nova presidenta dals Verds è la fin da mars.
RTR novitads 09:00